هذه المشاركة رقم 1 ونرجو أن تشاركنا بها في الشبكات الإجتماعية التالية >>>
ويب ماستر
مجموعة: المدراء
رسائل: 858
حالة: Offline
مشاركة اي سيهات بورد الاب عباره عن قسمين اي سي بور ريئسي و اي سي تغذيه فرعي اي سي بور رئيسي هو اللي بيغذي البورده كلها بالبور علي جميع الدوائر واي سي تغذيه فرعي هو اللي بياخد بور من البور الرئيسي ويولد اشاره لقطع معينه زي المعالج وليها دايره واي سي تغديه ليه والرامات .... وهكذا اولا اي سي البور الرئيسي ليه اراقام كتيره اوي وانواع كتير واشكال في علي شكل مربع وفي علي شكل حصيره زي ما بيسموها اشهر الانواع Maxim النوع ده مشهور جدا لشركه كبيره ده اللي علي شكل مربع
الشكل التاني اشهر انواع المكسيم طبعا انا مش هاقدر اكتب كل انواع المكسيم لذلك لازم تعرف ازاي تجيب معلومات الداتا شيت بتاعه وهاقوله برضو لاني او ما دخلت علي موقعالداتا شيت معرفتش اجيب الداتا شيت ف الاول لحد ما عرفت وخصوصا علي المكسيم
اشهر الانواع الموجوده ف السوق max1901 MAX1902 Max 1903 max 1999 MAX 8732 MAX8734 MAX8744
الداتا شيت ازاي تجيب الداتا شيت سهله خالص ادخل علي موقع http://www.alldatasheet.com انا فاكر اول مره دخلت علي الموقع ده وكنت عاوز اجيب داتا شيت بتاع اي سي مكسيم فاكتبت في الموقع زي ما مكتوب علي الاي سي MAXIM 8744 مالقتش نتيجه اتلخبط لحد ما عرفت نك بتكتب MAX والرقم بعدها
النوع التاني Tps اشهر رقم فيهم ف اي سي البور TPS 51125
النوع التالت ISL ISL 6236 وكده خلصنا من اهو الانواع وصورهم اي سي البور ياخد ال19 فولت مباشر من الشاحن ويعطي 3.3 فولت و 5 فولت اعطلها الاعطال اما تبان عيب ظاهر حرق او سخونه شديده علي الاسي بس هنا وقفه مش شرط السخونه علي الاي اسي البور انه تالف ممكن تغيره تلاقي الاي سي بيسخن برضو مهما تغيره ولو الف مره بيسخن والبور عطلان وده بيكون من قطعه تانيه مربوطه معها وده هاتعرفه من اللي جاي
ثانيا اي سي الشحن اسي الشحن هو اللي بيغذي دايره شحن البطاريه هو دايما يكون خلف سوكيت البطاريه وبيكون قريب منها هاتميزه بسهوله MAXIM MAX1773 MAX8724 MAX8725 MAX8731
BQ الاي سي مشهور ف دايره الشحن حتي اعطاله مشهوره BQ 24751
BQ24745
ISL
ISL6251
الاعطال الاعطال معروفه ان الاب توب لا يشخن بسيطه طبعا في عطل تاني مهم ان الاي سي ده بيقطع الاب توب بور وخصوصا اي سي BQ لازم تعمل حسابك عليه وهو مش بيبان عليه ولا سخونه ولا اي شئ انت بتحدده بخبرتك تعرف منين ان اي سي الشحن قاطع الاب توب بور انت بتوصل الشاحن اللذيذ في الاب وبتبدي تقيس من المفترض في اي دارة تغذية ان يكون هناك جهد منظم في حالة الـ off mode اللي هما 3 و 5 فولت بقيس علي زر البور الاقي عليه 3 بقيس علي اسنان او مشط الشحن بلاقي الفولت 0 وشوف الفولت اللي خارج ودخل علي اي سي البور الرئيسي سليم والفولت موجود فا تشك دائره الشحن فيها حاجه لان اي سي البور لو قاطع كان قطع علي الكل مش جزء وجزء والمفروض ان مشط الشحن في وضع اوف مود يعطي ليا 3 فولت علي اكتر من سن
اللي بعده اي سي تغذيه المعالج
ده الاسي اللي بيغذي المعالج بالفولت المناسب واللي تسمي الفي كور vcore كان ف موضوع جميل الهندسه حافظ ابراهيم عن الفي كور موجود هنا ف المنتدي ياريت الكل يقرأه وهايستفيد منه وهي نفس فكره البوره البي سي العاديه لما احب اقيس الفولت بتاع الدايره يبقي من علي الكويل اللي قبل المعالج مباشر
تقيس حضرتك علي الكويل طرف علي الارض والطرف التاني الاحمر علي رجل الكويل وفي الغالب قياستها 1.1 فولت 1.3 فولت 1.5فولت اشهر الانواع isl 6262
اعطال اي سي تغذيه المعالج اكيد وامر لا شك فيه ان لو الاي سي مش شغال المعالج مش هايوصله الفولت المناسب اللي يقدر يخليه يشتغل فا تلاقي الاب قاطع داتا والمعالج مش بيسخن او المشكله التاينه وهي المشهوره ان تلاقي الاب قام بور لثواني وفصل بور فورا
اي سي تغذيه الرامات VRAM هو اللي بيغذي الرامه بالبور اللي يخليها تقوم بوظيفتها واشهر نوعه فيه TPS51116 لو الاسي ده عطلان مافيش فولت بيوصل الرامه فابالتالي الاب مش بيقوم داتا طيب ازاي اقيس الفي رام من علي رامه الاب بوت ف بف صغير اعلي الرامه بحط الافو الطرف الاسود علي اي ارضي والاحمر علي البف لو الرامه DRR1 هايكون القياس 2.5 فولت لو الرامه DD2 هايكون القياس 1.8 فولت
لو الاي سي ده بايظ ممكن يخلي الجهاز يتشغل ويفصل
SUPER I/O الاسي ده مهم جدا جدا وده الداتا شيت بتاعته هاتبين وظيفته
كلمه I/O تعني دخول وخروج INPUT OUTPUT الاسي ده ليه وظيف كتير اوي كا اي سي دخول وخروج منها انه بيأخد الاشارات بتاع الكي بورد والماوس وبيحولها للغه الاله علشان يقدر المعالج يفهمها ويتعامل معاها رعشه الليد اللي ف لمبات البور والتحميل بتطلع من خلاله تحكم الاضاءه هو اللي بيدي الامر للانفنتر او الهاي تنشن بتعليه الفولت او خفضه تعليمات او سنسور المروحه اللي بتعلي علي الحراره وتنخفض فيه منه انواع مشهوره زي WINBOND WPCE775
WPC773 WPC8769 WPC8763 النوع التاني ENE SMSC الاعطال اعطاله كتييييييييير ومحور اساسي ف اعطال مشهوره يعني اعطاله ممكن بور يعني يقطع البورده بور نهائي تلاقي علي الاوف مود مافيش فولت اصلا ويقطع داتا علشان تعرف تميز اعطاله هو ليه علامات تقدر تجزم منها ان الاي او بايظ ازاي اذا الاي او بيسخن ممكن اول ما توصل الشاحن تلاقي الاي او ماسخنش بس لو فضلت موصل بعد دقائق هايبتدي يبان عليه السخونه تاني حاجه ودي الاهم انك تلاقي اي سي البور الرئيسي بيسخن نار وتغيره ولسه بيسخن ومهما تغير فيه يسخن برضو وده معناه ان الاي او بايظ وعامل قفله عليه فا بمجرد تغيير الاي او بنفس الرقم يعمل الجهاز طبيعي وفي عطل كمان مشهور اوي اوي وكمان اوي تجي تغير هاي تنشن او انت بتحاول تصلحه تلاقي الاب قطع بور او الابات اللي مش فيها هاي تنشن تلاقي حد غير الشاشه ونسي البطاريه متصله بالجهاز وغلط وهو بيركب الشاشه فا الاب قطع بور وده طبعا لانه متصل بالهاتنشن اتصال مباشر فا اي قفله غير مقصوده في الهاتنشن هايرجع عليه بالحرق فورا لكذلك تعامل مع الهايتنشن بحزر وفي عطل تاني اعطال الكي بورد والماوس اعطال الشحن وخصوصا ف الابات الديل
تاني حاجه قطع الداتا مشهور برضو ف قطع الداتا وخصوصا التوشيبا
WINBOND WPC775 شايفين الرقم ده الاي او ده منتشر في الابات التوشيبا الحديثه زي A300 و U400 وما شابه مشهور اوي ان الاب يقطع داتا في الاب ده ويكون السبب منه بمجرد تغييره يقوم الاب ويشتغل وبيان عليه السخونه بس بعد فتره قصيره
